Aktorja e njohur Kate Hudson ka bërë një deklaratë që mund të shkaktonte bujë në rrjetet sociale, sidomos në kontekstin shqiptar. Në një intervistë për People, ajo ka pranuar hapur se flirton me këdo dhe se i fejuari i saj, Danny Fujikawa, nuk shqetësohet nga kjo sjellje.

“Kam takuar djalin e duhur,” tha Hudson, duke theksuar se partneri i saj nuk ndikohet nga tendenca e saj për të flirtuar. Çifti ka së bashku një vajzë, Rani, ndërsa Hudson është gjithashtu nëna e dy djemve, Ryder 21 vjeç (nga martesa me Chris Robinson) dhe Bing 13 vjeç (nga fejesa me Matt Bellamy).

Aktorja zbuloi gjithashtu historinë e lidhjes së saj me Danny-n, duke treguar se ata njiheshin prej vitesh, por marrëdhënia e tyre nisi në mënyrë të papritur.

“E takova Danny-n kur isha 23 vjeçe dhe shtatzënë me Ryder-in. Ai është vëllai i shoqeve të mia më të mira, Sarah dhe Erin Foster, kështu që kemi qenë në të njëjtin rreth shoqëror për një kohë të gjatë,” rrëfeu Hudson.

Megjithatë, gjithçka ndryshoi kur Danny e ftoi për një shëtitje. “Mendova se ishte thjesht një shëtitje mes miqsh, por ajo u shndërrua në takimin tonë të parë. Atij iu deshën muaj të tërë për të bërë lëvizjen e tij të parë. Dhe puthja jonë e parë një vit më vonë ishte shumë më e ëmbël,” tha aktorja.

Duket se Kate Hudson ka gjetur partnerin ideal që e kupton dhe e pranon atë ashtu siç është, pa e kufizuar në natyrën e saj flirtuese.