Vdekja e Mbretëreshës Elizabeth II ka lënë pas një dhimbje të madhe. Pasditen e sotme Princesha Kate Middleton është shfaqur e pikëlluar,

Ajo është fotografuar e veshur në të zeza, teksa ishte duke ngarë makinën për të marrë tre fëmijët e saj nga shkolla pas javës së tyre të parë në Lambrook pranë Ascot.

Vdekja e stërgjyshes së tyre Mbretëreshës do të jetë një goditje e rëndë për Princin George, nëntë vjeç, Princeshën Charlotte, shtatë vjeç dhe Princin Louis 4-vjeçar, pasi ata dhe prindërit e tyre fillojnë një jetë të re në Adelaide Cottage në mjediset e Kështjellës Ëindsor, ku Madhëria e Saj kaloi pjesën më të madhe të vitit.

Princi William, tani trashëgimtar i fronit, po kthehet në shtëpi nga Balmoral për të qenë me familjen e tij pasi nxitoi në Skoci për të parë gjyshen e tij para se të vdiste.

Ai do të marrë pjesë nesër në Këshillin e Aderimit në Londër, ku babai i tij Charles III do të shpallet zyrtarisht Mbret.