I ftuar në “Big Brother Radio”, Keijsi ka rrëfyer eksperiencën e tij në shtëpinë e “Big Brother VIP 5”, pas përjashtimit të mbrëmjes së së martës pas leximit të Zarfit të Zi.

Gjatë intervistës, ai komentoi edhe qëndrimin e Kristit, i cili kishte shprehur surprizë ndaj largimit të tij. “Ndoshta e ka kuptuar edhe vetë që e ka tepruar me mënyrën e reagimit të tepërt që bën gjithmonë. Edhe çështjen e viktimizimit, mendoj se e ka kaluar masën,” u shpreh Keijsi.

I pyetur nëse Kristi ishte arsyeja e largimit të tij, ai u përgjigj prerë: “Jo, mua më nxori vetja ime.” Keijsi shpjegoi se veprimi që çoi në përjashtim erdhi nga mbrojtja e një femre dhe se nuk ndjen pendesë për atë që ndodhi. “Shkaku ishte mbrojtja e një femre. Nuk kam bërë diçka për t’u penduar. Nëse do të isha unë agresori, atëherë patjetër që do të kërkoja ndjesë, edhe pse nuk është diçka që e bëj shpesh,” përfundoi ish-banori.