Në një bisedë të ngrohtë me fermerët brenda “Ferma VIP 2”, Miss Keisi ka treguar disa nga kriteret që ka për partnerin e saj ideal. E pyetur nga Limi – me të cilin shpesh përfliten për “shkëndija” dhe afrimitet – Keisi u shpreh se një nga gjërat që nuk i pëlqen te meshkujt është veshja me ngjyrën rozë.
“Më pyeti për shijet e mia ndaj gjinisë mashkullore. Dhe i thashë që nuk dua të vishet me ngjyrën pink. S’dua, s’më pëlqen”, deklaroi ajo, duke bërë që të lindin menjëherë reagime e komente nga të pranishmit.
Një mendim ndryshe dha këngëtari i njohur Federik Ndoci, i cili theksoi se ngjyrat, përfshirë pinkun, sjellin pozitivitet si për personin që i vesh, ashtu edhe për ata që e shohin. “Ngjyra sjell pozitivitet për ty që e sheh, jo më unë që e vesh. Dhe ti pozitivitetin e përcjell tek unë,” tha Ndoci me stilin e tij plot filozofi.
Ndërkohë, dinamika mes Keisit dhe Limit po bëhet gjithnjë e më interesante për publikun, që po ndjek me kuriozitet çdo zhvillim në fermë.
