Kryeministri Edi Rama, në cilësinë e kryetarit të Partisë Socialiste, ka nisur ditën e parë të javës me një takim në orët e para të mëngjesit për të prezantuar kandidatët për deputetë në Qarkun e Tiranës, të cilët do të garojnë në zgjedhjet parlamentare të 11 majit.

Në fjalën e saj të hapjes, bashkëdrejtoresha e PS për Tiranën, Ogerta Manastirliu, theksoi periudhën intensive të takimeve dhe diskutimeve që kanë pasuar që nga muaji shtator, me synimin për të përcaktuar përfaqësuesit e garës. Bashkëdrejtoresha tjetër e PS, Elisa Spiropali, vuri në dukje se synimi i PS për zgjedhjet e 11 majit është realizimi i mandatit të katërt dhe anëtarësimi i Shqipërisë në BE.

Spiropali vlerësoi punën e deputetëve aktualë dhe theksoi se PS ka bërë ndryshime epokale që nga 2013, si trefishimi i të ardhurave, rritja e pagave dhe rilindja e infrastrukturës. Ajo shtoi se aspirata e PS-së është që të mbyllin negociatat për anëtarësim në BE brenda dy viteve dhe të bëhen pjesë e familjes europiane gjatë kësaj dekade.

Spiropali gjithashtu vlerësoi përbërjen e ekipit të kandidatëve, duke theksuar rëndësinë e eksperiencës dhe kontributit të secilit deputet në këtë legjislaturë. Ajo shprehu optimizëm për të rinjtë që janë bashkuar me PS dhe që besojnë në transformimin e Shqipërisë me liderin Edi Rama.

Rama u shpreh se nuk duhet ta humbasim trenin e BE-së dhe vetëm kur të hymë në BE, vijoi ai, nuk do të ketë rëndësi kush qeveris këtu.

EDI RAMA: “Kemi një skuadër që sot i jep të gjithëve mundësi të zgjedhin. Ndryshe nga herët e tjera kemi një karakteristikë të rem të shumëpritur për mua personalisht, që në skuadrën e 11 majit kemi në të gjithë ekipin tonë edhe një përbërje domethënëse të atyre që kanë kapërcyer nga njëra anë tek tjetra dhe janë me ne pasi në një proces të gjatë kanë parë se sa pa lidhje dhe sa e kotë është të besosh se mund të bijë diçka e mirë për vendin e njerëzit duke dalë për të kërkuar vota për ata që sot janë përballë nesh.