Një 42-vjeçar shqiptar është arrestuar nga policia italiane në Piazza Roma, pasi akuzohet se kërcënonte në mënyrë të vazhdueshme pronarët e një lokali pranë stacionit të trenit.

Sipas autoriteteve, ai kishte qenë më herët në vëmendje të Carabinieri, ndërsa së fundmi pronarët e barit denoncuan kërcënime të rënda, deri edhe për jetën. Për këtë arsye, Gjykata e Asti kishte vendosur një masë ndalimi, duke i ndaluar afrimin më shumë se 1 mijë metra pranë tyre.

Megjithatë, 42-vjeçari e ka shkelur në mënyrë të përsëritur këtë urdhër, duke vijuar të frekuentojë lokalin, çka çoi në ndërhyrjen e policisë dhe arrestimin e tij.

Pas ndalimit, gjykata vendosi masën e paraburgimit, ndërsa çështja e tij pritet të shqyrtohet nga autoritetet gjyqësore, të cilat do të vlerësojnë të gjitha shkeljet e kryera.

Policia thekson se ndërhyrja ishte e domosdoshme për të garantuar sigurinë e qytetarëve dhe të pronarëve të biznesit në zonë.