Raporti mes Brikenës dhe Mateos duket se ka hyrë në një fazë të vështirë, vetëm pak ditë pas puthjes së tyre në spektaklin e së martës. Ndryshe nga pritshmëritë, dyshja ka pasur mungesë komunikimi dhe distancë të dukshme.

Situata u tensionua pasi Brikena u shpreh e zhgënjyer nga qëndrimi i Mateos, duke theksuar se ai nuk i qëndroi pranë në momentet kur ajo kishte nevojë.

“Të gjithë e dinë sa e vështirë ishte për mua ajo puthje. Ditën tjetër doja të gatuaja diçka për ne, por e ndjeva Mateon të largët. Më ka parë duke qarë dhe nuk është afruar as të më pyesë. Këtu nuk ka të bëjë loja, por ndjenjat,” u shpreh ajo.

Nga ana tjetër, Mateo dha versionin e tij, duke theksuar se ishte përpjekur të afrohej, por ishte refuzuar.

“Pas puthjes i shkova te krevati, por ajo më largoi. E kuptoj që ishte në siklet, ndoshta edhe nga ndikimi i Rogertit. I kam shkuar pas nëpër shtëpi, por më ka shmangur. Sa për momentin me Selin, nuk kishte asgjë për keqkuptim,” tha ai.

Debati mes tyre u fokusua edhe te një episod ku Mateo u pa duke kapur nga dora Selinën, një moment që sipas Brikenës u interpretua si afrimitet, ndërsa Mateo e mohoi kategorikisht këtë.

Përplasja mes tyre lë të hapur pikëpyetje mbi vijimësinë e këtij raporti brenda shtëpisë.