Khloe Kardashian ka bërë një rrëfim emocional në podcast-in “Call Her Daddy”, duke ndarë detaje tronditëse nga marrëdhëniet e saj të së kaluarës me Lamar Odom dhe Tristan Thompson. Ylli i televizionit tha se në të dyja rastet, motra e saj Kim Kardashian dhe nëna Kris Jenner kishin zbuluar tradhtitë përpara se ajo të merrte vesh gjithçka.

“Kim e dinte për tradhtinë, mendoj se të dyja herët. Nëna ime, me ish-burrin tim, i dinte gjërat para meje dhe duhej të më tregonte,” u shpreh Khloe.

Ajo pranoi se, pavarësisht dhimbjes, e vlerëson që lajmet e hidhura i mësoi nga njerëzit e saj më të afërt. “Më mirë t’i dëgjoj nga ata sesa nga një i huaj. Unë nuk jam nga ata njerëz që bëjnë sikur nuk dinë asgjë.”

Khloe foli hapur edhe për shtatzëninë e dytë me Tristan Thompson, të cilën vendosi ta mbajë të fshehtë për shkak të turpit pas tradhtisë së tretë nga basketbollisti, i cili pati një fëmijë me një tjetër grua. “Isha shumë e turpëruar. E dija çfarë do të thoshin të gjithë. Trupi im e ndiente se nuk ishte i duhuri për mua, por atëherë nuk mund ta pranoja,” tha ajo.

Në mbyllje, Kardashian dha një këshillë për të gjitha gratë që përballen me pabesi në një lidhje: “Nga përvoja ime, nuk mendoj se njerëzit ndryshojnë për këtë çështje. Kur dikush ju tregon se kush është, besojini. Dhe këtë e mësova në mënyrën e vështirë.”

Khloe është ndarë përfundimisht nga Tristan në vitin 2021 dhe u divorcua nga Lamar Odom në vitin 2016.