Veprimet e NATO-s i kanë shtyrë tensionet midis Ukrainës dhe Rusisë në “pikë thyerje”, tha zëdhënësi i ministrisë së jashtme kineze Zhao Lijian.
Në një konferencë të përditshme të lajmeve, Zhao u kërkoi Shteteve të Bashkuara të marrin seriozisht shqetësimet e Kinës dhe të shmangin cenimin e të drejtave ose interesave të saj në trajtimin e çështjes së Ukrainës dhe lidhjeve me Rusinë.
Zhao u tha gazetarëve se “përdorimi i shkopit të sanksioneve në çdo hap nuk do të sjellë kurrë paqe dhe siguri, por do të shkaktojë vështirësi serioze për ekonomitë dhe jetesën e vendeve në fjalë”.
Ai tha se Kina dhe Rusia do të “vazhdojnë të kryejnë bashkëpunim normal tregtar, duke përfshirë tregtinë e naftës dhe gazit, në frymën e respektit reciprok, barazisë dhe përfitimit të ndërsjellë”.
Kina ka thënë gjithashtu se po dërgon ndihma humanitare duke përfshirë ushqimin dhe nevojat e përditshme me vlerë 5 milionë juanë (791,000 dollarë) në Ukrainë.
