Marta Kos, Komisionerja e Bashkimit Evropian për Zgjerimin, do të vizitojë Shqipërinë javën e ardhshme, më 13 mars. Gjatë vizitës së saj, Kos do të zhvillojë takime me udhëheqës të lartë të shtetit dhe politikës shqiptare. Sipas axhendës së publikuar nga Komisioni Evropian, ajo do të takohet me Presidentin e Republikës, Bajram Begaj, dhe Kryeministrin Edi Rama. Pas këtyre takimeve, Kos dhe Rama do të mbajnë një konferencë të përbashkët për mediat.

Po atë ditë, Komisionerja Kos do të marrë pjesë në Konferencën e Kolegjit të Evropës me temën: “Zgjerimi i BE-së dhe shoqëritë elastike në Ballkanin Perëndimor: forcimi i shoqërisë civile, barazia gjinore dhe pjesëmarrja e të rinjve”. Gjithashtu, ajo do të zhvillojë takime me Kryetaren e Kuvendit, Elisa Spiropali, dhe nënkryetarin Agron Gjerkmarkaj. Vizita e saj në Tiranë do të përmbyllet me takime me Kryetaren e Komisionit për Çështjet e BE-së, Jorida Tabaku, dhe Kreun e Grupit të PD-së, Gazment Bardhi.