Deputeti i opozitës, Këllici, reagoi ashpër pas deklaratave të Komisioneres së Bashkimit Europian, Marta Kos, duke akuzuar se ajo ka aluduar se Shqipëria ka probleme me korrupsionin. Sipas Këllicit, qëndrimi i zonjës Kos përforcon tezën e kryeministrit Edi Rama, që sipas tij e paraqet vjedhjen e fondeve publike si një normë të pranueshme.

“Kjo nuk ndihmon qytetarët dhe shoqërinë. Shoqëria ka treguar se kërkon integritet në qeverisje, jo mbulim të korrupsionit”, u shpreh Këllici. Ai akuzoi Ramën për shpërdorim të fondeve publike, ndarje tenderash sipas interesave dhe përfshirje të diplomatësh në Bruksel që, sipas tij, mbulojnë këto praktika.

Qëndrimi i Komisioneres Kos, tha Këllici, “stimuloi, inkurajoi dhe nxiti të korruptuarin, Edi Rama”, duke e cilësuar si një “turp dhe skandal të paprecedentë”.