Kreu i Partisë së Lirisë ka reaguar pas kongresit të arsimit, të organizuar sot nga qeveria në nisje të vitit të ri shkollor.

Meta në një postim në facebook shprehet se Shqipëria ka buxhetin më të ulët në rajon për arsimin, teksa në shkolla vazhdon ende mësimi me turne.

Ndër të tjera Meta u bën thirrje qytetarëve që të marrin pjesë në protestën e paralajmëruar për ditën e nesërme, në orën 18:00, te inceneratori i Tiranës.

Postimi i Metes:

Me “lart më lart o shokë flamujt e kongresit”, nuk mbulohet dot dështimi dhe nënvleftësimi i plotë i arsimit.
Shqipëria ka buxhetin më të ulët në rajon për arsimin. Vazhdojnë turnet, vazhdon analfabetizmi funksional, vazhdon braktisja e shkollës.
Arritja më e fundit është edhe shantazhi e kërcënimi ndaj fëmijëve dhe prindërve të tyre për librat e shkollës.
Kryeministri i krimit s’mund të jetë i arsimit.
Që të mos vidhen më lekët si te inceneratorët, por të shkojnë për arsim cilësor dhe që t’i krijojnë mundësinë fëmijëve të jetojnë dhe të ndërtojnë të ardhmen e tyre këtu, nesër të gjithë tek inceneratori i Tiranës, ora 18:00.