Sali Berisha ka shpallur mosbindje civile dhe ka kërkuar protesta kundër qeverisë së drejtuar nga Edi Rama, por duket se disa figura kryesore të opozitës nuk e ndjekin të njëjtën linjë. Konkretisht, tre kryetarë bashkish të djathta, Hilë Curri i Fushë Arrëzit, Albert Mëlyshi i Mirditës dhe Rrok Dodaj i Pukës, kanë marrë pjesë në një takim me Edi Ramën një ditë pas protestës së opozitës.
Kjo pjesëmarrje nuk kaloi pa u vënë re dhe u ironizua nga vetë kryeministri Rama, i cili, në mënyrë sarkastike, falënderoi kryetarët e bashkive që nuk i përkasin Partisë Socialiste, por që sipas tij, kanë zgjedhur të bashkëpunojnë me qeverinë. Duke filluar fjalën e tij me një falënderim për kryebashkiakët e opozitës, Rama tha: “Faleminderit që keni ardhur të gjithë, falënderoj kryetarët e bashkive që nuk janë të partisë tonë të PS, por janë bashkë me ne në ‘partinë e punës’.”
Ky zhvillim ka ngritur pyetje nëse kryetarët e bashkive të djathta po tradhëtojnë linjën e Berishës apo nëse ata janë të pakënaqur me qasjen e mosbindjes civile që ai ka promovuar. Pjesëmarrja e tyre në takimin me kryeministrin sugjeron se mund të ketë përçarje brenda radhëve të opozitës, duke nxjerrë në pah
