Në Kongresin e Partisë Socialiste, kryeministri Edi Rama prezantoi planet për inovacione të mëdha brenda mandatit të ardhshëm. Rama paralajmëroi prezantimin e një sistemi të prokurimeve me inteligjencën artificiale, eliminimin e pensioneve me zarfe, dhe ndjekjen e evazionit financiar përmes teknologjisë së avancuar.

Sipas kryeministrit, synimi është prezantimi i një sistemi të prokurimeve që përdor inteligjencën artificiale, duke e bërë procesin më transparent dhe efikas. Kjo do të bëhet duke hequr nevojën për dokumentacion fizik dhe duke përdorur procedura elektronike të monitoruara nga teknologjia. Kryeministri tha se kjo do të lejojë kompanitë të prezantojnë projektet dhe çmimet e tyre pa pasur kontakt me zyrtarët, duke garantuar një proces të drejtë dhe të pavaruashëm.

Në një tjetër sfidë, kryeministri shprehu qëllimin për të përdorur inteligjencën artificiale për ndjekjen e evazionit fiskal. Duke përdorur teknologjinë, ai shpreson të ndalojë shmangien e transaksioneve financiare dhe të sigurojë një mbikëqyrje efikase të të gjitha niveleve të biznesit.

Në lidhje me pensionet, Rama njoftoi një ndryshim radikal. Ai tha se pensionet nuk do t’u jepen më me zarfe, por do të distribuohen përmes kartave elektronike. Ky ndryshim synon të rrisë sigurinë dhe efikasitetin e shpërndarjes së pensioneve, duke përdorur teknologjinë si një mjet modern për administratë dhe shërbime sociale.

Proceset janë arkaike. Ambicia është që brenda këtij mandati ne të prezantojmë sistemin e prokurimeve me inteligjencën artificiale. Do të thotë se do të prokurohet pa letra. do të prokurohet me procedura ku konkurrentët S’do kenë kontakt me asnjë lloj komisionari, dhe ku çdokush që është më sipër s’do mund të influencojë tenderin. Kompania do të sjellë projektin, do japë çmimin, dhe do presë rezultatin.

Pensionet nuk do jepen me zarf por me kartë”