Kryeministri i Shqipërisë, Edi Rama, ka deklaruar se vendi nuk ka ende kapacitetin e duhur për të përballuar zhvillimin masiv të Airbnb-ve. Gjatë një diskutimi me sipërmarrësit, ai theksoi se Shqipëria nuk ka kapacitetin e hotelerisë për të përballuar kërkesën e lartë që vjen nga këto platforma dhe se është lënë mundësia që njerëzit të përfitojnë disa të ardhura, pa u ndërhyrë nga kontrollet dhe inspektimet.

Në një deklaratë, Rama tha se ka një problem të vazhdueshëm me deklarimin e fitimeve nga hotelet dhe Airbnb-t, duke shtuar se shumë nga këto biznese nuk e deklarojnë saktë atë që fitojnë. Ai theksoi se për këtë vit do të nisë një fazë e re për hotelet, duke ofruar mundësi për një rregullim më të qartë të sektorit.

“Nuk kemi kapacitet për Airbnb, s’kemi kapacitetin e hotelerisë për të përballuar gjithë atë kërkesë,” tha Rama, duke shtuar se ky vit do të jetë momenti i një programi të ri për hotelet, që fillon në maj. Ai bëri të ditur se ka një mundësi për ata që nuk duan të kalojnë përmes kontrollove tatimore të bien dakord me Tatimet dhe të paguajnë një tarifë prej 65% të fitimeve për periudhën nga maji në shtator, dhe 30% për periudhën tjetër të vitit. Kjo masë synon të sjellë një balancë mes fitimit për bizneset dhe mbledhjes së të ardhurave për shtetin.

Rama gjithashtu përmendi se në vitin e ardhshëm do të punohet për një solucion digjital që do të lehtësojë deklarimin e fitimeve dhe do të sigurojë transparencë më të madhe. Ai shtoi se Airbnb do të bëhet pjesë e këtij procesi, por me një qasje hapa pas hapi, për të shmangur shtrëngimin e tepërt ndaj sipërmarrësve.