Pas publikimit të intervistës së shumëpërfolur të reperit Fero në podcastin e Arbanës Osmanit, rrjetet sociale janë përfshirë nga reagime të shumta. Në intervistë, artisti foli për herë të parë pas një kohe të gjatë për ndarjen nga Arbenita Ismajli dhe për akuzat e dhunës ndaj saj, të cilat i mohoi kategorikisht.

“Unë nuk e kam dhunuar kurrë. E kam dashur shumë, por nuk jemi për njëri-tjetrin,” tha Fero, duke shtuar se ka ende respekt për ish-bashkëshorten, si nëna e vajzës së tyre.

Por menjëherë pas intervistës, reagimi më i fortë erdhi nga Juliana Nura, e cila publikoi një mesazh të drejtpërdrejtë në Instastory, duke dënuar çdo formë dhune ndaj grave.

“Kur e don dikë, nuk e rraf atë o magar, e krejt ju magarë tjerë që e abuzoni gruan/femrën tuaj,” – shkroi ajo, duke ndarë edhe një pjesë nga intervista e reperit.

Deklarata e Julianës është bërë virale në rrjet, me shumë ndjekës që kanë mbështetur qëndrimin e saj të prerë kundër dhunës dhe kanë vlerësuar guximin për të folur hapur në një debat që vazhdon të ngjallë shumë reagime.