Kuvendi i Shqipërisë ka dërguar zyrtarisht kërkesën për zëvendësimin e mandatit të deputetit Ervin Salianji, pas dënimit të tij nga Gjykata e Apelit. Në letrën e nënshkruar nga Genc Gjoncaj, Sekretari i Përgjithshëm i Kuvendit, i bëhet me dije Komisionerit Shtetëror të Zgjedhjeve, Ilirjan Celibashi, për humbjen e mandatit nga Salianji dhe nevojën për plotësimin e vendit vakant.

Në njoftimin e Kuvendit, theksohet se bazuar në Kushtetutën e Republikës së Shqipërisë dhe rregullat e Kuvendit, Salianji ka humbur mandatin e tij pas vendimit përfundimtar që e dënon për kryerjen e një vepre penale. Sipas Kushtetutës dhe Kodit Zgjedhor të Republikës së Shqipërisë, Komisioni Qendror i Zgjedhjeve është tani i ngarkuar për të vijuar me zëvendësimin e tij, duke dhënë mandatin pasuesit në listën shumëemërore të zgjedhjeve të fundit.

Letra përmban detaje të qarta mbi bazën ligjore të veprimit dhe procedurën që duhet ndjekur për plotësimin e vendit vakant.

]