Kuvendi është përfshirë në procesin e zgjedhjes së kandidatëve për plotësimin e vendeve të lira në Këshillin e Lartë Gjyqësor (KLGJ) dhe Këshillin e Lartë të Prokurorisë (KLP), duke filluar procedurat me përzgjedhjen e kandidatëve nga radhët e avokatisë dhe shoqërisë civile.

Nënvizohet se për procedurat e votimit të kandidatëve në KLGJ dhe KLP, është ngritur nënkomisioni për vakancat, me përfaqësues të të dy palëve politike.

Megjithë këtë, ka pasur kontestime dhe akuzime nga opozita, siç është rasti i deputetit të PD Enkelejd Alibeaj, i cili ka akuzuar mazhorancën për tentativë për të emëruar në organet e drejtësisë njerëzit e saj për qëllime politike.

Sekretari i Përgjithshëm i Kuvendit ka skualifikuar 6 kandidatë. Në pamje të parë ka një gjë ose Avokati i Popullit ka dështuar për të vlerësuar kriteret e kushtet dokumentacionit, ose sekretari i përgjithshëm i Kuvendit, një vartës i mazhorancës, në një kohë shumë të shkurtër ka vepruar politikisht. Nga analiza sesi parlamenti i është qasur sistemit gjyqësor kjo është një lëvizje politikisht e orientuar atë që ka ekzekutuar Sekretari i Përgjithshëm.

Kjo tregon se cila është qasja juaj me sistemin e pavarur. Vazhdon e njëjta histori për të kapur organet e drejtësisë. Nëpërmjet Sekretarit të Përgjithshëm spastrohen ato që nuk janë në oborrin e mazhorancës dhe lihen ata që nuk janë në oborrin e mazhorancës. Janë shkualifikuar 4 nga kandidatët që Avokati i Popullit i ka renditur me pikë më lart. Doni të emëroni njerëzit tuaj për të kapur kreun e SPAK’- tha Alibeaj

Sekretari i Përgjithshëm i Kuvendit, Genci Gjonçaj, është kritikuar për diskualifikimin e disa kandidatëve nga gara, duke shkaktuar debate rreth pavarësisë së sistemit gjyqësor dhe orientimit politik të veprimeve të tij.

Lista përfundimtare e kandidatëve përplotësues të vendeve në KLGJ dhe KLP është publikuar nga Kuvendi, ndërkohë që procedurat për zgjedhjen e tyre pritet të vazhdojnë në seancë plenare, duke përfshirë edhe votimin nga lista e publikuar.