Lana Del Rey thuhet se e bleu fustanin e saj të nusërisë disa muaj para se të kurorëzonte dashurinë me Jeremy Dufrene. Krijuesja e hitit “Summertime Sadness” zgjodhi të blejë fustanin në Vintage Market nga Trashy Diva në New Orleans në maj. Çmimi i saktë i fustanit mbetet i paqartë, megjithatë, raportet sugjerojnë se është e pamundur që Del Rey, e lindur Elizabeth Woolridge Grant, të kishte shpenzuar më shumë se 350 euro, një shumë brenda intervalit tipik të çmimeve për fustanet e dasmës në atë dyqan, i cili ofron stile nga vitet 1920 deri në Y2K.

Lana e dha fund beqarisë duke kurorëzuar dashurinë me Dufrene vetëm një muaj pasi u zbulua romanca e tyre. Çifti shkëmbyen betimet pranë ujit në Des Allemandes, Luiziana, në një ceremoni të thjeshtë që u mbajt të enjten, më 26 Shtator. Në imazhet e publikuara, 39-vjeçarja duket e mahnitshme teksa ecën drejt altarit, shoqëruar nga babai i saj, Robert Grant, dhe duke mbajtur një buqetë lulesh në dorë.

Këngëtarja, e cila ka një pasuri prej 30 milionë dollarësh, dukej mbresëlënëse me vello. Ajo i tha “Po” partnerit të saj, Dufrene, i cili është baba i tre fëmijëve nga një martesë e mëparshme. Ceremonia e dasmës dhe pritja u mbajtën përgjatë portit publik, me tavolina të shumta të vendosura nën tenda të bardha mbi bar.

Motra e artistes, Caroline Grant, dhe vëllai i saj, Charlie Hill-Grant, ishin pranë saj në ditën e saj të veçantë, por mbetet e paqartë nëse nëna e saj, Patricia Ann Hill, ishte e pranishme në ceremoni. Lana Del Rey dhe Dufrene u takuan për herë të parë para se të shiheshin duke u kapur për dore më 25 gusht në Angli.