Një aksident i rëndë raportohet të ketë ndodhur paraditen e kësaj të hëne në afërsi të Balldrenit, në aksin rrugor Lezhë-Shkodër.

Për pasojë ka humbur jetën drejtuesi i motorit, Mark Luca, rreth 60 vjeç. Ai mbeti i fillimisht i plagosur rëndë dhe u nis me urgjencë drejt spitalit të Lezhës, ku dhe ndërroi jetë pak kohë më pas.

“Rreth orës 11:50, në aksin rrugor Shkodër-Lezhë, në vendin e quajtur “Kryqëzimi i Balldrenit”, janë përplasur furgoni me drejtues Agim Subashin me një motoçikletë të drejtuar nga Mark Luca. Si pasojë, është dëmtuar drejtuesi i motoçikletës i cili është dërguar në spital për ndihmën e nevojshme mjekësore, por ka humbur jetën. Grupi hetimor në vendin e ngjarjes vazhdon veprimet hetimore për zbardhjen e plotë të rrethanave të aksidentit”, tha Policia e Lezhës në një njoftim për mediat.