Policia e Librazhdit ka njoftuar se ka gjetur në gjendje të mirë shëndetësore 20-vjeçaren Xh. R., e cila ishte raportuar e humbur më 14 shkurt 2025.

Sipas deklaratës së dhënë përpara oficerëve të policisë, e reja ka sqaruar se është larguar nga banesa me dëshirën e saj dhe se nuk ka asnjë pretendim ndaj asnjë shtetasi.

“Në vijim të informacionit të dhënë për largimin nga banesa në Librazhd, më datë 14.02.2025, informojmë se kjo shtetase është gjetur në gjendje të mirë shëndetësore. Ajo ka deklaruar se është larguar nga banesa, me dëshirën e saj, si dhe se nuk ka asnjë pretendim ndaj asnjë shtetasi”, thuhet në njoftimin e Policisë.

Autoritetet kanë përfunduar veprimet procedurale lidhur me këtë rast.