Real Madridi ka njoftuar zyrtarisht largimin e Lucas Vázquez, një prej lojtarëve më të qëndrueshëm të dekadës së fundit. Klubi do të organizojë një ceremoni lamtumire për sulmuesin spanjoll këtë të enjte, në nderim të kontributit të tij të gjatë dhe të suksesshëm.
Vázquez, i cili u bashkua me ekipin e parë në vitin 2015, ka regjistruar 402 ndeshje me fanellën e bardhë, duke fituar 23 trofe të mëdhenj, mes tyre:
• 5 Kupa të Evropës (Champions League)
• 5 Kupa Bote për Klube
• 4 Superkupa Evropiane
• 4 tituj të La Ligës
• 1 Copa del Rey
• 4 Superkupa të Spanjës
Presidenti Florentino Pérez, në një deklaratë zyrtare pas konfirmimit të largimit, tha:
“Lucas Vázquez përfaqëson në mënyrë shembullore vlerat e Real Madridit, gjë që e ka bërë një nga lojtarët më të dashur për tifozët. Figura e tij simbolizon punën e palodhur, këmbënguljen, përulësinë dhe shpirtin fitues që janë thelbësore për të arritur sukses me këtë fanellë. Ai është një lojtar që gëzon dashurinë dhe vlerësimin e të gjithë madridistëve. Real Madrid është dhe gjithmonë do të jetë shtëpia e tij.”
Largimi i Vázquez vjen në një fazë tranzicioni për Real Madridin, ku priten edhe disa largime të tjera të rëndësishme, ndërsa klubi vijon përgatitjet për sezonin e ri nën drejtimin e Carlo Ancelottit dhe me yllin e sapoafruar Kylian Mbappé.
