Udhëheqësit e Rusisë dhe Kinës do të marrin pjesë në samitin e G20 që do të mbahet në muajin nëntor.

Kështu deklaroi presidenti indonezian Joko Widodo në një intervistë për Bloomberg duke theksuar se kishte marrë garanci nga të dy presidentët Xi Jinping dhe Vladimir Putin se ata do të merrnin pjesë në konferencën e planifikuar për në nëntor në ishullin indonezian të Balit.

“Xi Jinping do të vijë. Presidenti Putin gjithashtu më ka thënë se do të vijë,” tha ai, sipas Bloomberg.

Prania e dy liderëve autoritarë do të rrisë aksionet për samitin, i cili është i pari G20 që nga pushtimi rus në Ukrainë dhe rritja e tensioneve në Tajvan.

As Putin dhe as Xi nuk morën pjesë në samitin e vitit të kaluar në Romë. Ky i fundit ka rinisur kohët e fundit udhëtimet jashtë Kinës, që nga shpërthimi i pandemisë së COVID.