Zgjedhjet për drejtimin e Partisë Socialiste në Vlorë po shndërrohen në një betejë të fortë mes fraksioneve të brendshme. Kryetari aktual, Klevis Kaso, mbështetet nga deleguari politik, ndërsa Bashkia e qytetit tenton të imponojë një kandidat tjetër, duke reflektuar influencën direkte të kryetares Brunilda Mersini.

Nga ana tjetër, deputetët e qarkut po zhvillojnë një lojë strategjike për të promovuar emrin e tyre, duke rritur tensionin dhe duke shndërruar zgjedhjet në një “front luftarak” brenda PS-së.

Burime pranë selisë qendrore të PS-së konfirmojnë se emrat po dërgohen drejt Edi Ramës, i cili pritet të japë fjalën e fundit, duke vendosur fatin e kryesisë në një moment kyç që mund të përcaktojë balancën e fuqisë brenda partisë për vitet në vijim.

Kjo sfidë pritet të jetë një test i madh për unitetin e socialistëve të Vlorës dhe mund të hapë një kapitull të ri në luftën për influencë brenda PS-së.