Presidenti i Bjellorusisë, Aleksander Lukashenko, aleat i ngushtë i Kremlinit, ka dhënë një deklaratë të fortë lidhur me konfliktin në Ukrainë. Në një intervistë, ai tha se nëse Volodymyr Zelensky nuk ulet në tryezën e bisedimeve dhe nuk ndërmerr hapa të menjëhershëm, “Ukraina do të pushojë së ekzistuari”.

Lukashenko theksoi se përgjegjësia kryesore për zgjidhjen e krizës nuk qëndron tek SHBA apo Rusia, por tek udhëheqësi ukrainas. Ai gjithashtu shtoi se komuniteti ndërkombëtar duhet të ushtrojë presion të fortë mbi Zelensky për të marrë vendime që ai i konsideron “të përshtatshme”.

Deklarata vjen pas kritika të mëparshme të Lukashenkos ndaj udhëheqësve evropianë dhe amerikanë për mungesën e progresit drejt një zgjidhjeje paqësore.