Kreu i PD-Demokratëve Euroatlantikë, Lulzim Basha, ka zhvilluar një takim në Lezhë për të përgatitur ekipin e kandidatëve dhe për të shpalosur programin me grupet e interesit. Në një postim në Facebook, Basha thekson se politika duhet të jetë shërbim ndaj qytetarëve, duke dëgjuar hallet e tyre dhe duke ofruar një vizion për t’i kapërcyer ato. Ai e cilëson këtë si një qëndrim kundër vetëshërbimit të një grushti politikanësh që, sipas tij, kanë varfëruar vendin dhe kanë larguar rininë.

“Shqipëria meriton më shumë! Në Lezhë, me drejtues të Demokratëve Euroatlantikë, për përgatitjen e ekipit tonë të kandidatëve dhe shpalosjen e programit me grupet e interesit. Ne besojmë te politika si shërbim ndaj qytetarëve, që dëgjon hallet e tyre dhe ofron vizionin për t’i kapërcyer ato, jo si vetëshërbim për një grusht politikanësh që kanë varfëruar vendin dhe kanë larguar rininë. Me këtë bindje do lidhim kontratën tonë me shqiptarët, për një alternativë që lufton korrupsionin dhe siguron mirëqeverisjen!” shprehet Basha në postimin e tij.