Edi Rama ka njoftuar vijimin e investimeve në Vlorë përmes zgjerimit të shëtitores bregdetare “Lungomare 4”, në zonën e Plazhit të Vjetër.

Në një postim në rrjetet sociale, kreu i qeverisë e cilësoi këtë projekt si një ndër investimet më të rëndësishme për qytetin turistik, me synim shtrirjen e standardeve moderne të infrastrukturës dhe dhënien e një impulsi të ri zhvillimit urban.

Sipas Ramës, ndërhyrja pritet të ndikojë drejtpërdrejt në përmirësimin e hapësirave publike, duke rritur cilësinë e jetesës për qytetarët dhe duke forcuar më tej potencialin turistik të qytetit bregdetar.