Një aksident rrugor u shënua rreth orës 14:30 në aksin që lidh fshatin Kallmet me superstradën Lezhë–Shkodër, ku një automjet tip Benz doli nga rruga dhe u përmbys në një kanal anësor.

Si pasojë, dy gra që udhëtonin në automjet mbetën të plagosura dhe për disa minuta u bllokuan brenda mjetit të dëmtuar rëndë.

Në vendngjarje mbërritën me urgjencë zjarrfikësit dhe dy autoambulanca, të cilat ndërhynë për t’i nxjerrë nga makina dhe i transportuan drejt spitalit të Lezhës. Burime mjekësore konfirmojnë se të plagosurat janë jashtë rrezikut për jetën.

Policia rrugore ka nisur hetimet për të përcaktuar shkaqet e aksidentit, që dyshohet se erdhi si pasojë e humbjes së kontrollit nga drejtuesja e automjetit.