Një ngjarje shqetësuese është regjistruar në kryeqytet, ku një adoleshente 17-vjeçare është larguar nga banesa dhe nuk është kthyer më.
Sipas njoftimit zyrtar të Policisë së Tiranës, më datë 11 shtator 2025, shtetasja L. N. ka kallëzuar në Komisariat se vajza e saj është zhdukur një ditë më parë, më 10 shtator.
Menjëherë pas denoncimit, strukturat e policisë kanë nisur kërkimet dhe po punojnë për gjetjen e së miturës, si dhe për sqarimin e rrethanave të rastit.
Materialet procedurale i janë referuar Prokurorisë së Tiranës, e cila do të kryejë veprimet e mëtejshme ligjore.
