Manchester City i Pep Guardiolës po kalon një periudhë të vështirë në kampionat, duke shënuar nisjen më të dobët në Premier League që nga sezoni 2006-2007. Pas pesë javëve, kampionët në fuqi kanë grumbulluar vetëm shtatë pikë dhe aktualisht renditen në vendin e nëntë të tabelës.

City e nisi sezonin me një fitore të thellë 4-0 në udhëtim ndaj Wolves, por më pas pasuan dy humbje të papritura ndaj Tottenhamit dhe Brightonit. Pas këtyre rezultateve zhgënjyese, skuadra reagoi me një fitore në derbin e Manchesterit, por sërish humbi terren në ndeshjen e fundit ndaj Arsenalit.

Në “Emirates Stadium”, “Cityzens” ishin pranë triumfit pas golit të epërsisë, por në minutat e fundit pësuan barazimin, duke u larguar me vetëm një pikë (1-1).

Ndeshja e radhës për Cityn do të jetë në “Etihad Stadium” ndaj Burnleyt, ku Guardiola kërkon rikthimin e skuadrës në rrugën e fitoreve për të mos lënë rivalët të shkëputen që në fillim të sezonit.