Moderatorja e njohur Marina Vjollca ka lënë të hapur mundësinë e një bashkëpunimi televiziv me motrën e saj, Luana Vjollcën. Teksa ishte e ftuar në podcastin e Alketa Vejsiut, Marina pranoi se ka një kimi të shkëlqyer me Luanën kur janë në ekran dhe se gjithmonë janë mbështetja e parë për njëra-tjetrën në çdo moment.

“Jemi telefonata e parë e njëra-tjetrës, si në momente të mira, ashtu edhe në ato të vështira. Luana më thotë gjithmonë se kur jam në punë nuk hap telefonin, por nëse është diçka urgjente, dal dhe flas”, u shpreh Marina.

E pyetur nëse do të realizonin një program së bashku, ajo nuk e mohoi, duke thënë: “Kuptohemi me sy dhe kjo është arsyeja pse gjithnjë ecim mirë kur jemi bashkë në ekran.”

Në fund, Marina zbuloi se po punon për një projekt të ri që do ta sjellë së shpejti, por nuk dha më shumë detaje, duke lënë të kuptohet se surpriza ende nuk është gati për t’u zbuluar.