Në përfundim të mbledhjes së Këshillit për Imunitetin dhe Mandatet, Taulant Balla deklaroi se qëndrimi i pesë anëtarëve të Partisë Socialiste është kundër kërkesës së SPAK për pezullimin e Ballukut, duke theksuar se masa e pezullimit është e mjaftueshme. Ai nënvizoi rëndësinë e prezumimit të pafajësisë për deputetin.

“Ka qenë një proces shumë i mirë, ku Kuvendi ka marrë kohën e nevojshme, përfshirë shqyrtimin e Gjykatës Kushtetuese. Pyetjet e deputetëve dhe të palëve përfaqësuese kanë hedhur dritë mbi çështje të rëndësishme lidhur me kushtetutshmërinë dhe prezumimin e pafajësisë”, tha Balla.

Ai shtoi se pesë deputetët që përfaqëson nuk janë dakord me mënyrën sesi SPAK e ka propozuar kërkesën, duke paralajmëruar se do të informojnë grupin parlamentar të PS për qëndrimin e tyre pas përgatitjes së raportit nga kolegu Manja. “Masa e pezullimit besoj se është mjaftueshëm,” përfundoi Balla.