Jetnor Zhaboli dhe bashkëshortja e tij, pas 15 vitesh të martesës, ballafaqohen me sfida të rënda pas shfaqjes së problemeve emocionale te 35-vjeçari.

Nëna e tij ka dëshmuar për Policinë e Tiranës, duke thënë se çifti ka pasur një martesë harmonike deri sa Jetnori ka filluar të shfaqë shqetësime mendore prej më shumë se një viti.

Dëshmia e nënës së Jetnorit tregon për ndikimin e problemeve emocionale tek djali dhe për përpjekjet e tyre për të siguruar mjekim. Megjithatë, raportohet se Jetnori ka refuzuar të pranojë ndihmë mjekësore.

Nëna thotë se shqetësimet e djalit janë deluzione të tij, duke ndikuar në marrëdhënien familjare dhe duke sjellë tensione në jetën e tyre të përditshme.

“Jetnori kur bëne debate shperthen per pese minuta, me pas ledhaton femijet, ato 5 minuta i ka si pasoje e faktit se thote se dëgjon zhurma nga muret sikur degjon zhurma nga muret gjë që nuk eshte e vertet, fik dritat e lënë shtepinë pa drita dhe rrine shtëpia pa drita. I ka kerkuar si nëne i eshte lutur te mjekohet, ështe pergjeruar por nuk bindet, ka probleme djali dhe duan ta ndihmojme por nuk degjon”, ka thënë më tej e ëma e të riut.

Në dëshmi del se nëna e Jetnor Zhabolit shqetësohet dhe për fatin e dy fëmijëve të tij. Ajo thotë se dyert e brendshme të shtëpisë kanë shumë brava të vendosura në to dhe askush nuk i ka çelësat përveç të birit. Në rast se bie zjarr në pallat apo shtëpi, pohon ajo, ka frikë se askush nuk do mund t’i shpëtojë dot sepse askush nuk ka çelësa.

Nëna e të arrestuarit ka thënë para oficerit ku ka dhënë deklarim, se i ka kërkuar dhe burrit të ndihmojnë djalin të marrë mjekim, por nuk e dëgjon njeri.

“I ka kerkuar burrit, ja ka kerkuar por nuk i degjon njeri, me shume i shkakton probleme dhe femijeve, janë trembur femijet. Kerkon ndihme. Jetnori nuk pranon ilaçet thote nuk jam i semurë, jam ne rregull, nuk i pranon ilaçet. Kjo situatë ne koken e tij ka nje vite dhe na kerkon ndihme, i ka kerkuar ndihme por asgje nuk po zgjidhim asgje dhe sot na ka mbyllur ne shtepi…”, vijon dëshmia e nënës