Sot në orën 18:00, Partia Socialiste do të zhvillojë një mbledhje të Kryesisë nën drejtimin e kryetarit të saj, Edi Rama. Tematika kryesore e kësaj mbledhjeje do të jetë organizimi i punës në kuadër të zgjedhjeve të ardhshme parlamentare. Kjo vjen në një kohë kur situata politike në vend mbetet tejet e tensionuar, sidomos pas arrestimit të një ish-deputeti të PS-së nga SPAK vetëm një ditë më parë.

Në të njëjtën kohë, Partia Demokratike gjithashtu do të mbledhë Kryesinë e saj në orën 18:00, ku në qendër të diskutimeve do të jenë hapat e ardhshëm të mosbindjes civile. Kjo mbledhje vjen pas protestës së organizuar nga opozita më 7 tetor, ku nisi aksioni i mosbindjes civile kundër qeverisë. Gjatë takimit pritet që kreu i PD-së, Sali Berisha, të mbajë një fjalim dhe të paraqesë vendimet e ardhshme për vijimin e aksionit opozitar.

Ky takim përkon gjithashtu me përgatitjet për protestën e radhës që PD ka paralajmëruar për më 23 tetor para Parlamentit Europian në Strasburg.