Hatixhe Brikës, e njohur si “Hati” në rrjetet sociale, ka bërë bujë për jetesën e saj luksoze dhe videot e shumta që ndan në TikTok. Së fundmi, Policia e Shtetit i ka sekuestruar patentën për shkak të shkeljeve të rënda të rregullave të qarkullimit rrugor, përfshirë drejtimin e makinës me shpejtësi të lartë.

Pavarësisht kësaj, Hati nuk ka hezituar të reagojë publikisht në rrjetet sociale, duke i hedhur “kunja” me nota ironie punonjësve të policisë. Në një postim të fundit, ajo shfaqet duke udhëtuar, ndërsa bashkëshorti i saj, Jashar Stojku, i cili është i njohur gjithashtu nga videot virale të Hatit, është shofer.

Me humor, Hati thekson se, edhe pa patentë, ajo vazhdon të “udhëtojë për shtatë palë qejfe” si pasagjere, duke mos treguar asnjë shenjë pendese për situatën e krijuar.