Këngëtarja Fifi ka reaguar ashpër ndaj komenteve të shumta negative dhe ofenduese që ka marrë në rrjetet sociale pas publikimit të këngës së saj në festival. E ftuar në një studio televizive, artistja ka rrëfyer se sulmet nuk janë kufizuar vetëm ndaj saj si këngëtare, por kanë prekur edhe djalin e saj, duke e tronditur thellë.

Sipas Fifit, vala e komenteve fyese nisi pikërisht ditën kur kënga u publikua. Ajo theksoi se deri në atë moment nuk kishte hasur asnjë koment negativ që lidhej me fëmijën e saj.

“Prej ditës kur ka dalë kënga e festivalit, mua më kanë ardhur komente duke më mallkuar djalin,” u shpreh Fifi, duke shtuar se kjo ka qenë përvoja më e rëndë emocionale që ka përjetuar nga reagimet në rrjet.

Këngëtarja theksoi se kritikat artistike i ka pranuar gjithmonë, por sulmet personale dhe përfshirja e fëmijës së saj i konsideron të papranueshme, duke apeluar për më shumë përgjegjësi dhe njerëzi në përdorimin e rrjeteve sociale.