Presidenti serb, Aleksandar Vuçiq i sugjeroi opozitës, një ditë pas protestave të pesta masive, ku kërkohej edhe dorëheqja e tij nga posti i kreut të shtetit, të propozojë në parlament një referendum për besimin ndaj presidentit të republikës dhe përsëriti se pushteti nuk do të ndryshojë në rrugë.

Vuçiq u tha gazetarëve pas ceremonisë së shënimit të Ditës së Ministrisë së Brendshme dhe Ditës së Policisë se nëse opozita nuk ka vota të mjaftueshme, nisma do të mbështetet nga koalicioni qeverisës dhe më pas qytetarët do të vendosin në referendum.

Njerëz me maska e mbështetës të Putinit sulmojnë protestuesit në Beograd

Njerëz me maska e mbështetës të Putinit sulmojnë protestuesit në Beograd
E pesta në serinë e protestave, “Serbia kundër dhunës”, e cila filloi pas dy të shtënave masive tragjike me 19 viktima në një shkollë dhe dy fshatra afër Beogradit, solli dhjetëra mijëra njerëz në Beograd, të cilët kundërshtojnë nxitjen dhe promovimin e dhunës në jetën politike dhe në media.

Të shtunën, protestuesit rrethuan pallatin presidencial pas një marrshi nëpër rrugët qendrore të qytetit dhe duke e konsideruar qeverinë përgjegjëse për rritjen dhe tolerimin e dhunës në shoqëri, i lanë atij mesazhe të shumta kritike dhe thirrje që të largohej