Meghan Trainor mahnit me transformimin e saj – Fansat aludojnë për përdorimin e Ozempic

Meghan Trainor ka rrëmbyer vëmendjen me paraqitjen e saj gjatë eventit Billboard Women in Music, duke shkaktuar spekulime mbi humbjen e dukshme në peshë. Këngëtarja 31-vjeçare u shfaq me një veshje elegante të zezë, që theksonte linjat e saj, ndërsa një fund tyl dhe këmisha e dantellës e bënë pamjen edhe më të sofistikuar.

Ndjekësit dhe mediat sociale nuk vonuan të aludojnë për përdorimin e Ozempic, ilaçit të famshëm që shumë personazhe të njohur po e përdorin për rënie në peshë. Deri më tani, Trainor nuk ka komentuar për këto zëra, megjithëse më herët ka folur hapur për ndërhyrjet estetike që ka bërë, si Botox-i dhe operacioni në gjoks.

Në një intervistë të kaluar, ajo ka rrëfyer se ka pasur probleme me shprehjen e emocioneve për shkak të përdorimit të tepruar të Botox-it. Ndërkohë, fansat vijojnë të diskutojnë nëse ky transformim është rezultat i një stili jetese të shëndetshëm apo ka ndihmuar edhe ndonjë trajtim i jashtëm.

A është ky një ndryshim natyral apo Ozempic ka luajtur një rol? Diskutimi mbetet i hapur!