Kryeministrja italiane, Giorgia Meloni, reagoi ashpër pas përplasjeve të dhunshme që ndodhën përpara Stacionit Qendror në Milano gjatë një proteste pro-palestineze. Pamjet e shpërndara në rrjetet sociale treguan momente tensioni mes protestuesve dhe forcave të rendit.

“Imazhet që vijnë nga Milano janë të turpshme: të vetëshpallur ‘pro-palestinezë’, ‘antifashistë’ dhe ‘pacifistë’, që shkatërrojnë stacionin dhe përfshihen në dhunë kundër policisë,” shkruajti Meloni në rrjetet sociale.

Kryeministrja theksoi se veprime të tilla nuk kanë lidhje me solidaritetin e vërtetë dhe se “dhuna dhe shkatërrimi nuk do të ndryshojnë jetën e njerëzve në Gaza, por do të kenë pasoja konkrete për qytetarët italianë, të cilët do të vuajnë dhe do të paguajnë për dëmet e shkaktuara nga këta huliganë.”

Meloni shprehu mbështetje për forcat e rendit dhe u bëri thirrje organizatorëve të grevës dhe forcave politike të dënojnë qartë këto veprime. “Mendimet e mia janë me policinë, e detyruar të përballet me arrogancën dhe dhunën e panevojshme të këtyre pseudo-protestuesve,” përfundoi ajo.