Ministri i Brendshëm Taulant Balla ka kërkuar rihetim të ngjarjeve të rënda kriminale të ndodhura në qarkun e Durrësit në 30 vitet e fundit. Ky apel u bë gjatë analizës vjetore të policisë së Durrësit, ku ministri shprehu nevojën për një përqasje të re ndaj ngjarjeve kriminale të pazbardhura.

“Rikthimi i vëmendjes dhe rihapja e ngjarjeve kriminale është e rëndësishme; kemi 56 ngjarje të rënda kriminale për të cilat drejtësia ende nuk ka dhënë fjalën e saj”, theksoi ministri Balla. Ky hap vjen në kontekstin e përpjekjeve për të rritur efikasitetin dhe integritetin e drejtësisë në trajtimin e rasteve kriminale në qarkun e Durrësit.