Ministri i Brendshëm, Taulant Balla, ka reaguar në lidhje me aksionin e policisë të njohur me emrin “Tempulli”, ku disa persona janë arrestuar.

Nëpërmjet një deklarate, Balla thekson se operacioni “Tempulli” ka vazhduar të sjellë para drejtësisë edhe tetë persona të tjerë gjatë natës së kaluar. Ky grup personash akuzohet për praktikimin e shitjes së drogës në lokalet e natës në Tiranë. Ky veprim i forcave të policisë shërbëri për kapjen dhe dërgimin e të dyshuarve para drejtësisë për procedurat ligjore të nevojshme.

Regaimi i Ballës:

Policia e Shtetit ka shënuar një fundjavë me rezultate të kënaqshme në disa qarqe. Operacioni Kombëtar “Tempulli” ka vijuar të vendosë para drejtësisë edhe tetë persona të tjerë gjatë natës së mbrëmshme në Tiranë për shpërndarje lëndësh narkotike, një person në Durrës për armëmbajtje pa leje dhe posedim lëndësh narkotike. Janë ndaluar dy persona në kërkim në Korçë dhe Berat, tre persona në Gjirokastër për heqje të paligjshme të lirisë dhe një person i proceduar në Pikën e Kalimit Kufitar Morinë për mosdeklarim të një shume të konsiderueshme të hollash.