Ministri i Jashtëm i Izraelit, Eli Cohen, ka dënuar deklaratat e kryeministrit spanjoll Pedro Sanchez dhe homologut belg Alexander De Croo, të cilët bënë të ditur se vendet e tyre mund të njohin shtetin e Palestinës. Në një reagim të menjëhershëm, ministria e Jashtme izraelite ka thirrur ambasadorët e Spanjës dhe Belgjikës për bisedë. Kryeministri Benjamin Netanyahu gjithashtu ka kritikuar këto deklarata, duke theksuar se liderët spanjoll dhe belg nuk kanë vlerësuar plotësisht përgjegjësinë e Hamas për veprat terroriste kundër Izraelit. Për momentin, Bashkimi Evropian nuk ka shprehur një qëndrim të përbashkët për njohjen e pavarësisë së Palestinës.

Për këto deklarata foli edhe kryeministri izraelit, Benjamin Netanyahu, ku ka pohuar se “kryeministrat spanjoll dhe belg nuk e konsideruan Hamasin plotësisht përgjegjës për krimet kundër njerëzimit që ata kryen – masakrën e qytetarëve izraelitë dhe përdorimin e palestinezëve si mburoja njerëzore”. Spanja pritet që ta njoh pavarësinë e shtetit palestinez pavarësisht faktit që një gjë të tillë nuk e përkrah aktualisht Bashkimi Evropian.