Ministria e Mbrojtjes ka bërë thirrje sot për kujdes më të shtuar gjatë orëve në vijim në zonat e rrezikuara nga përmbytjet pasi pritet një përkeqësim i situatës.

“Ashtu siç kemi bërë gjatë këtyre tri ditëve, Forcat e Armatosura, ato Zjarrfikëse, Forcat e Policisë së Shtetit, ekipet e shërbimit mjekësor do të vijojnë të jenë në gatishmëri për të qenë pranë qytetarëve për çdo nevojë.

Përsërisim thirrjen drejtuar të gjithë banorëve të zonave të rrezikuara të bëjnë kujdes me lëvizjet e tyre edhe në orët në vijim, pasi sipas parashikimit të motit pritet një tjetër sasi e konsiderueshme reshjesh. Ju lutemi në çdo rast nevoje njoftoni pa vonesë autoritetet vendore,” tha ministri Niko Peleshi.

Rrugët në veri janë të askesueshme me përjashtim të disa segmenteve si: në akset Kukës – Krumë, Kukës – Ura Zapodit, në aksin Kukës – Bushtricë.