Këngëtarja e njohur shqiptare, Mira Konçi, e cila prej vitesh jeton dhe punon në Shtetet e Bashkuara të Amerikës, ka zgjedhur të kalojë disa ditë relaksi në një destinacion ekzotik, së bashku me vajzën e saj, Erën.
Në postimet e saj në Instagram, Mira ka ndarë momente të veçanta nga pushimet tropikale në Anguilla, Karaibe, një nga destinacionet më të bukura në botë. Në fotot dhe videot e publikuara, nënë e bijë shihen duke shijuar plazhet me ujëra të kristaltë dhe peizazhet mahnitëse të ishullit.
Pushimet duken një moment i rëndësishëm për këngëtaren, e cila ka zgjedhur t’i kalojë ato pranë së bijës, duke treguar edhe një herë lidhjen e tyre të fortë.
