Deputetja e Partisë së Lirisë, Monika Kryemadhi, foli pas daljes nga SPAK për çështjen ndaj saj dhe ish-bashkëshortit, Ilir Meta. Ajo deklaroi se shumë politikanë dhe biznesmenë kanë qenë të ftuar në shtëpinë e saj, duke përmendur emra si Edi Rama, Sali Berisha, Lulzim Basha dhe Erion Veliaj.
“Në shtëpinë time kanë hyrë dhe kanë ngrënë bukë shumë persona, përfshirë politikanë e biznesmenë. Nuk jam njeri pa njeri,” tha Kryemadhi, duke theksuar se gjithmonë ka ndihmuar këdo që i ka kërkuar ndihmë, përfshirë gazetarë dhe aktorë.
