Reshjet intensive të shiut dhe erërat e forta kanë përfshirë kryesisht veriun e Shqipërisë, duke shkaktuar probleme serioze në disa qytete dhe zona rurale. Në Shkodër, era ka dëmtuar çatinë e spitalit të Pukës, ku pavionet e Pediatrisë dhe Patologjisë kanë dalë jashtë funksionit dhe janë evakuuar pacientët. Ndërkohë, në qytetin e Fushë Arrëzit, çatia e disa pallateve është shkëputur nga era e fortë dhe janë regjistruar dëmtime të mëdha, ndërsa rrëshqitjet e dherave dhe rënia e gurëve kanë bllokuar rrugët rurale në bashkinë e Fushë Arrëzit.

Në disa zona të Shkodrës, Kukësit, Dibrës, Tiranës dhe Elbasanit, është raportuar mungesë të energjisë elektrike. Në disa fshatra të Vaut të Dejës dhe në pjesë të tjera të Bulqizës, furnizimi me energji është ndërprerë për shkak të kushteve të këqija të motit.

Për më tepër, në rrugën e Arbrit dhe në fshatin Krajk, janë regjistruar rrëshqitje gurësh dhe inertesh. Rruga e Arbrit Bypass aktualisht është e kalueshme, pa probleme për lëvizjen.

Instituti i Gjeoshkencave dhe Shërbimi Meteorologjik Ushtarak parashikojnë reshje të tjera intensive për ditët në vijim, duke rritur mundësinë e përkeqësimit të situatës. Agjencia Kombëtare e Mbrojtjes Civile ka kërkuar rritjen e gatishmërisë nga strukturat për menaxhimin e emergjencave civile dhe monitorimin e nivelit të lumenjve, furnizimit me energji elektrike dhe infrastrukturës rrugore.