Tan Brahimi, ka rrëqethur dhe ka përlotur të gjithë me tregimin e historisë së trishtë që i ka mbetur peng në jetën e tij. Mbrëmjen e të martës, në BBV, ai ka treguar se si ndodhi aksidenti tragjik që i mori jetën prindërve të tij.

Tani tha se ai ka qenë drejtues i automjetit dhe ishte i vetmi që i shpëtoi aksidentit tragjik.

Një kamion i doli atij në korsinë ku po qarkullonte dhe shkaktoi aksidentin fatal. Tani gjithashtu foli për vështirësitë e tij të jetës dhe tregoi për gjendjen e vështirë ekonomike.

Mes lotësh, ai tha se e vetmja gjë që donte t’i thoshte prindërve, ishte ndjesa për gjithë jetën, deri ditën e aksidentit.

“Në drekë kthehesha në shtëpi e isha prapë vetëm. Duke ngrënë buke thatë mu kujtua gjella që ia kisha sharë nënës.

Thoshin rri pak më shumë me ne, se kisha shumë shoqëri e humbja kohën tërë ditën pas shokëve. Më thoshin ka me të marrë malli një ditë, nuk e kuptoja. Po ti kisha përballë do u thosha vetëm më falni për sa ishin gjallë se për atë që ndodhi dihet që ishte padashje, por për krejt jetën der atë ditë do i kisha thënë vec më falni”, u shpreh Tani.