Deputetja Marjana Koçeku ka reaguar sërish në rrjetet sociale pas largimit nga grupi parlamentar i Partisë Socialiste, duke publikuar këtë herë një mesazh të drejtpërdrejtë që ia adreson familjes Bajri në Shkodër.

Përmes një postimi, Koçeku ka lëshuar një paralajmërim të fortë, duke deklaruar se nuk do të tolerojë asnjë kërcënim apo cenim ndaj familjes së saj.

“Ky mesazh i drejtohet Bajrajve të Shkodrës. Nëse familjes teme i preket kjoftë edhe nji qime floku, unë s’kam me lanë pa ju shkatërrue, sa ta kem jetën”, shkroi deputetja.

Deklarata e saj ka ngjallur reagime të shumta në rrjetet sociale, ndërsa vjen në një periudhë tensionesh dhe zhvillimesh të forta politike pas largimit të Koçekut nga grupi parlamentar socialist.

Deri më tani nuk ka pasur reagim publik nga personat e përmendur në mesazhin e deputetes, ndërsa mbetet e paqartë se çfarë e ka nxitur konkretisht këtë deklaratë të fortë.