Elon Musk ka marrë një hap të madh në kërkimin për të integruar teknologjinë e mikroçipeve në trurin e njerëzve përmes kompanisë së tij, Neuralink. Në muajt e fundit, FDA (Administrata e Ushqimit dhe Barnave e Shteteve të Bashkuara) i ka dhënë leje Neuralink për të testuar pajisjet e saj te njerëzit, pasi një aplikim i mëparshëm ishte refuzuar për shqetësime të sigurisë.

Ky çip i Neuralink është një implant që futet brenda kafkës, e pajisur me 1024 elektroda që mund të marrin sinjale nga shumë neurone. Kjo teknologji synon të përmirësojë funksionet e trurit dhe është veçanërisht shqyrtuar për përdorim te personat me paralizë në të katër gjymtyrët, shkaktuar nga dëmtimi i palcës kurrizore ose nga skleroza anësore amiotrofike.

Edhe pse kompania ka njoftuar se ka filluar provat klinike, sipas burimeve, ende nuk i ka vendosur çipat e saj te njerëzit. Megjithatë, sipas planeve, Neuralink synon të “çipojë” 11 persona brenda vitit të ardhshëm dhe të shpërndajë më shumë se 22,000 çipe deri në vitin 2030. Ky projekt ka shkaktuar një interes të madh, me mijëra njerëz që kanë shfaqur dëshirë për të përfshirë teknologjinë e Neuralink në trurin e tyre.