Rritja ekonomike globale parashikohet të ngadalësohet nga 2.7 për qind në 2023 në 2.4 për qind në 2024, sipas raportit të OKB-së për Situata Ekonomike Botërore dhe Perspektivat 2024.

Faktorë si dobësimi i tregtisë globale, kostot e larta të huamarrjes, tensionet gjeopolitike dhe rritja e borxhit publik vënë në rrezik rritjen ekonomike globale. Rritja pritet të ngadalësohet veçanërisht në ekonominë e Shteteve të Bashkuara dhe të vendet e tjera të përparuara për shkak të normave të larta të interesit dhe uljes së shpenzimeve të konsumatorit.

Në vende në zhvillim, perspektiva afatshkurtër po përkeqësohet për shkak të kushteve financiare më të shtrënguara dhe zvogëlimit të hapësirës fiskale. Ekonomitë me të ardhura të ulëta përballeshin me presione në rritje të bilancit të pagesave dhe rreziqe të qëndrueshmërisë së borxhit. Shtetet e vogla ishullore në zhvillim do të kufizohen nga borxhet e mëdha, normat e larta të interesit dhe sfidat klimatike, thuhet në raport.